Rezgia communala

Sot igl nom "resurses2025" sviluppescha la Uffer SA en project da generaziuns per la Val da Surses. La visiun digl project è ena transfurmaziun dallas resursas digl gôt an ena creaziun da valour regiunala, per collier cotras la cadagna da lenna grischuna ed alla finala per la cumplettar.

Scu pass impurtant intermediar per la realisaziun digl project, ò igl cumegn da Surses surdo alla Uffer SA per igl 1. da schaner 2021 l’antiera gestiun operativa dalla rezgia communala d’anfignen ossa a Tinizong. A parteir da chel datum è la Uffer SA responsabla exclusivamaintg per la direcziun da gestiun.