Rezgia communala

La rezgia communala è situada a Gravas - Tinizong. Per onn vign razgea radond 1’000 m3 lenna. Igls procuts da pegn vignan fabritgias sulettamaintg da lenna indigena tgi vign pinada ainten gôts agens. Per products da lenna da laresch cumpragn nous er madiera or digl antier cantun Grischun. La paletta da products tanscha dad essas da bloc sur lenna da construcziun anfignen tar blocs da decoraziun nobilisos.

Anc avant 50 onns veva prest mintga cumegn en'atgna rezgia, tgi razgeva products da lenna per la populaziun locala. La rezgia communala a Tinizong è la suletta aint igl cumegn da Surses ed egna dallas pacas ainten la regiun, tgi vignan manadas commerzialmaintg.

Products

Igl noss sortimaint da products è vast. Tar nous cattez igl dretg product da lenna per igl scopo giavischia. Per igl cass tgi el na sa catta betg aint igl deposit, igl fabritgainsa gugent per Vous.

En assortimaint da products disponibels:

  • Essas parallel e da bloc da pegn / laresch an tottas grossezzas e lunghezzas
    da 4.0 m e 5.0 m.
  • Lenna da quader per biagier ed essas an tottas grossezzas e lunghezzas
    da 4.0 m e 5.0 m.
  • Lenna da biagier
    • lenna da quader per antulada 80 / 120 mm
    • essas per puntanadas 50 / 250 mm
    • essas per antuladas 30 / 120mm
    • lattas da tetg 30 / 50 mm
    • lattas doblas 50 / 60 mm
    • cuntralattas 60 / 80 mm

Otras dimensiuns e las suandontas sorts èn er an vendita:

  • pals, essas e codgias da pegn per tottas sorts seiv.
  • antuladas d’albierts dafora massivas da pegn e laresch.
  • antuladas da tetg da pegn e laresch.
  • mobiglia d’iert rusticala da laresch. Meisas, bancs e scabellas, tot tenor Voss giaveischs.
  • èras otas per igl iert.
  • truaschs da laresch an tottas grondezzas.
  • zenslas da lenna
  • scalezzas da scorsa
  • razgem

Prestaziuns da sarvetsch

Tagls da paia

Vez Vous bels bests e lez lascher razger essas u quaders ordlonder? Nous Az cunsigliagn gugent e razgiagn per Vous la lenna an tagl da paia.

Cunsegliaziuns

Nous purschagn ena cunsegliaziun cumpetenta an tots fatgs tgi pertotgan lenna massiva; seia chegl lenna direvla per igl palantschia da Vossa terrassa u essas per Vossa meisa nova. Cun la nossa experientscha da ples onns Az savagn nous gidar a cattar la dretga soluziun.