Occurrenza d'infurmaziun davart l'avertura dall’immobiglia Scalotta a Marmorera scu alloschamaint per requirentas e requirents d'asil tras il cantun Grischun

Las lavours da renovaziun digl anteriour camp da vacanzas Scalotta a Marmorera on pudia neir terminadas per gronda part aint igl frataimp ed igl object da locaziun è nia surpiglia digl cantun. L'immobiglia Scalotta vign damai occupada prubablamaintg a parteir digl scumanzamaint da matg 2025, per antant cun var 20 anfignen 30 persungas. Primarmaintg ègl previa d’alloschar persungas singulas scu er famiglias sainza unfants obliias d’eir a scola.

An vista agl scumanzamaint dall’utilisaziun organisescha gl’Uffezi da migraziun e da dretg civil an cunvignientscha cun las persungas responsablas digl cumegn en’occurrenza d’infurmaziun per las cantuneras ed igls cantuners scu er per ulteriouras persungas interessadas digl cumegn. Chella ò li marde, igls 29 d’avregl 2025, allas 20.00, an sala polivalenta a Beiva.

Dumondas eventualas ins pò drizzar agl Uffezi da migraziun e da dretg civil digl Grischun, partiziun asil e repatriaziun, telefon: 081 257 25 41.