Publicaziun decisiun d’approvaziun dalla Regenza davart la revisiun parziala dalla planisaziun locala

Cun la decisiun nr. 26 digls 20 da schaner 2025 ò la regenza digl cantun Grischun, applitgond igl art. 49 dalla lescha cantunala davart la planisaziun digl territori (LPT/KRG), approvo la revisiun parziala dalla planisaziun locala, luvratori Lecsch, tgi è neida decideida dalla radunanza communala digls 24 da zarcladour 2024.

Object dalla revisiun parziala: Revisiun parziala dalla planisaziun locala Surses – luvratori Lecsch

Meds da planisaziun approvos:

  • Lescha da biagier Savognin: art. 25a (nov), schema da zonas art. 14 (agiunta)
  • Savognin luvratori Lecsch: Plan da zonas, plan general da furmaziun e plan general d’equipaziun 1:1’000
  • Formular per la runcada, plan da runcada 1:1000, figl da survista cun sequenzas dalla carta e la glista cun las sottascripziuns

(sa basond sen la disposiziun dalla runcada DIEM nr. 24/24 digls 21 d’otgover 2024)

Ordinaziuns, resalvas, indicaziuns:

  • Cun la proxima revisiun totala ston las surfatschas da runcada neir attribueidas alla zona da prievel 2.
  • Igls cunfegns da gôts statics sviluppan en effect static (art. 13 al. 2 LG).
  • Igl project preliminar digl luvratori è la basa per la lengia basignevla dalla distanza digl gôt.
  • Sch’igl project da construcziun per igl luvratori niss adatto u betg realiso, tar en transferimaint dalla veia u dallas lengias dallas ovras e tar en'asfaltaziun dalla plazza davant igl bietg davainta la lengia da distanza obsoleta. An chel cass vala la distanza ordinaria digl gôt da 10 m.
  • I n’exista nign dretg supplementar da survagneir contribuziuns per la cultivaziun digl gôt cunfinant. La vischnanca stò tolerar tscherts effects negativs digl gôt sen igl luvratori.

Igls meds da planisaziun approvos ed igl conclus cumplet dalla regenza inclus runcada èn exponias an canzleia communala a Tinizong. Cunter l’ordinaziun integrada pò neir fatg recurs ainfer 30 deis siva digl datum da publicaziun tar la dertgira superioura digl cantun Grischun, Obere Plessurstrasse 1, 7001 Chur; a norma dalla lescha davart la giuridicaziun administrativa.

Tinizong, igls 30 da schaner 2025, la suprastanza communala

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.