Annunztga da tgangs e taglia da tgangs 2025

Igl tigneir tgangs, mintga midada da possessour e possessoura scu er la mort d’en tgang stò neir annunztgia an terma da 10 deis agl cumegn. Nous supplitgagn tot las possessouras e tot igls possessours da tgangs tgi n’on betg anc annunztgia lour tgang u eventualas midadas da far chegl anfignen igl pi tard igls 20 da favrer 2025.

Per mintga tgang d’ena vigliadetna da passa treis meis, tgi vign tignia sen territori communal, ò da neir paeda ena taglia tenor artetgel 11 dalla lescha da taglia digl cumegn da Surses (LTS). La taglia da tgangs pigl onn 2025 vign messa a chint igl mars sen fundamaint dallas datas tgi èn avantmang tar igls sarvetschs d'abitants. Ella monta ad onn CHF 100.00 per igl amprem tgang e CHF 200.00 per mintga ulteriour tgang tignia aint igl madem tigneirtgesa (art. 14 LTS). Tgangs da pulizeia, tgangs da lavegnas e da salvamaint, tgangs da persungas orvas e surdas, tgangs da sang digl BSC cun ena permissiun valevla da tschartger scu er tgangs da protecziun da muntaneras tgi èn examinos e registros, èn dispensos dalla taglia (art. 13 LPS).

Sen basa dall'ordinaziun federala davart epidemias d'animals (OFE, SR 916.401) ston ultra da chegl neir marcos tot igls tgangs tgi veivan an Svizra cun en microchip e neir registros tar la banca da datas naziunala per la registraziun da tgangs an Svizra (www.amicus.ch). La possessoura ed igl possessour d’en tgang èn responsabels d'actualisar las datas.

Cun chella caschung supplitgagn nous las possessouras ed igls possessours da tgangs da garanteir tgi ni carstgang ni animal na vigna an nigna moda e maniera periclito u mulesto digls tgangs ed ultra da chegl d’eliminar mintgamai igls excremaints da tgangs e d’igls dismetter aint igls recipiaints correspondents. Angraztg fitg per la tgapientscha.

Nous supplitgagn da piglier cunaschientscha. Per dumondas Az stattan gugent a disposiziun las collaboratouras digls sarvetschs d'abitants (tel. 081 659 11 60).

Tinizong, igls 21 da schaner 2024, Canzleia communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.