Bova sen l'Alp Flex

Situaziun actuala, stand 24.06.2024, 08.00.

Igls 20 da zarcladour 2024 vers las 22.00 è sa svido anetg segl glatscher digl Calderas en lai. L’ava è curreida cunter vest an igl ragn «Ava dallas Tigias» e sessour sen l’Alp Flex, regiun Tigias. Graztga agl angaschamaint svelt e coordino dallas forzas d'acziun localas ò la situaziun pudia neir controllada spertamaintg. Las forzas d'acziun on luvro l'antiera notg per sierar igl territori pertutgia. Per furtegna ògl do nigns blessos e nigns donns pi gronds ve da bietgs ed infrastructura. La situaziun è sot controlla e vign survigilada.

La veia tranter igl hotel Piz Platta e Salategnas è actualmaintg interrotta. La planeira inundada tranter Salategnas e Tigias po neir passada a pe via la baselgia da Son Roc.

Las autoritads decidan tge maseiras instradar per sierar igl ragn e far accessibel la veia.

Nous supplitgagn d'evitar per antant visitas nunnecessarias ainten la stretga zona pertutgeida dalla bova.

Per ulteriouras dumondas Az stat a disposiziun igl mastral Daniel Wasescha, 079 709 24 28.

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.