De da portas avertas – luvratori communal Surses

Tar la radunanza communala digls 24 da zarcladour vign tranter oter voto davart la construcziun nova digl luvratori communal Surses.

An furma d’en de da portas avertas vign purschia la pussebladad da piglier invista dallas localitads actualas e las vastas lavours digls sarvetschs tecnics. Tar la deponia Davos Fallung, tar igl luvratori actual ainten igl bietg polivalent a Grava e tar la rezgia viglia a Savognin stattan represchentants dalla suprastanza communala e digls sarvetschs tecnics a disposiziun per dumondas. Pinavant vignan, considero la muntada digl project, exponias igls plans digl project da construcziun per dar la pussebladad alla populaziun da piglier invista da chels.

Igl de da portas avertas cun l’exposiziun digls plans ò li glindesde, igls 10 da zarcladour 2024, dallas 17.00 allas 20.00, tar igls lis numnos.

Anvidada è l’antiera populaziun digl cumegn da Surses ed otras persungas interessadas.

Nous supplitgagn da piglier cunaschientscha e speragn sen numerousa participaziun.

Tinizong, igls 06.06.2024                                 Suprastanza communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.