Lescha d’alps, pastgiras e prada

Scumond da passar a pe resp. da carar sur la prada (influenza sen la vegetaziun)

• Sainza la lubientscha digl cultivatour na dastgan terzas persungas betg influenzar u donnager la vegetaziun e la raccolta.
• Durant la perioda da vegetaziun ègl scumando a terzas persungas ed animals da metter pe sen la prada estra resp. da carar sur chella. Chegl vala digl 1. da matg anfignen igls 31 d’otgover per tot igl taragn nizigia dall’agricultura (art. 6 dalla lescha d’alps, pastgiras e prada digl cumegn da Surses).

La suprastanza intimescha mintgign e mintgigna d’observar chel scumond. Surpassamaints dalla lescha menziunada soura vignan punias cun multa d’anfignen 5'000 francs.

Tinizong, igls 30 d’avregl 2024                                          Suprastanza communala Surses