Sarada digl spurtegl digls sarvetschs d’abitants dall’administraziun communala Surses

Perveia d’ena scolaziun interna dallas collaboratouras digls sarvetschs d’abitants vign saro igl spurtegl dall’administraziun communala a Tinizong gievgia, igls 30 da november 2023, igl antier de.

Las ulteriouras partiziuns (canzleia communala, construcziun|energeia|ovras, finanzas, svilup digl li, taglias) èn contanschiblas segl li u per telefon durant las ouras d’avertura ordinarias.

Nous supplitgagn da piglier cunaschientscha e speragn sen Vossa tgapientscha.

Tinizong, igls 21 da november 2023                    Canzleia communala Surses