Votaziun all’urna digls 18 da zarcladour 2023

Projects federals

• conclus federal digls 16 da december 2022 davart l'imposiziun speziala dallas grondas gruppas d'interpresas (realisaziun digl project OECD/G20 davart l'imposiziun dallas grondas gruppas d'interpresas);
• Lescha federala digls 30 da settember 2022 davart las fegnameiras ainten la protecziun digl clima, davart l'innovaziun e davart igl rinforzamaint dalla siertad energetica (LCl);
• midada digls 16 da december 2022 dalla Lescha federala davart las basas legalas dallas ordinaziuns digl Cunsegl federal per superar l'epidemia da COVID-19 (Lescha COVID-19).

Projects cantunals
Sen plang cantunal n’èn preveidas nignas votaziuns igls 18 da zarcladour 2023.

Project communal

• Approvaziun dalla revisiun parziala dalla constituziun communala digl cumegn da Surses

L’urna è exponeida suandontamaintg:
Tga communala, Veia Cantunala 57, Tinizong

• digls 12 anfignen igls 16 da zarcladour, durant las ouras da spurtegl ordinarias
• la dumengia, igls 18 da zarcladour, dallas 10.00 anfignen las 10.30

Tar projects federals on igl dretg da votar tottas vaschignas e tots vaschigns sesents aint igl cantun, tgi on cumplania igl 18avel onn igl de dalla votaziun ed èn betg sclos digl dretg activ da vaschign. Substituziun è betg lubeida.

Igl material da votar vign repartia a taimp a tot las persungas cun dretg da votar. Persungas cun dretg da votar tgi on per sbagl betg retschet igl material, duessan s’annunztgier agl spurtegl digls sarvetschs d’abitants per retrer la documentaziun.

Tinizong, igls 24 da matg 2023      Canzleia communala Surses