Protocol dalla davosa radunanza communala Surses - termin d’exposiziun

Igl protocol dalla radunanza communala digls 12 da december 2022 vign exponia per invista a parteir digls 10 da schaner cun ed anfignen igls 8 da favrer 2023 agl spurtegl dall’administraziun communala a Tinizong. Alla basa dalla lescha da cumegns digl Grischun vign igl protocol er publitgia durant igl termin d’exposiziun ainten la reit, sot www.surses.ch (rubrica: politica & administraziun > radunanza communala > invitaziuns & tractandas).

Protestas cunter igl protocol on da neir inoltradas an scretg alla suprastanza communala ainfer igl termin d’exposiziun menziuno soura. Eventualas protestas on da neir tractadas dalla radunanza communala. Schinavant tgi na vignan inoltradas nignas protestas durant igl taimp d’exposiziun vala igl protocol scu approvo.

 

Tinizong, igls 9 da schaner 2023                       Suprastanza communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.