Consultaziun tar la revisun dalla constituziun digl cumegn da Surses

A caschung dalla radunanza d’orientaziun digls 24 d’otgover 2022 ò la suprastanza communala infurmo davart las propostas an connex cun la revisiun parziala dalla constituziun digl cumegn da Surses.

Igl messadi tar la radunanza d’orientaziun cun igls oters documaints relevants pertutgont la revisiun an dumonda èn da cattar sen www.surses.ch (rubrica: politica & administraziun > radunanza communala > invitaziuns & tractandas).

Ossa anveida la suprastanza la populaziun d’inoltrar propostas e giaveischs davart las propostas preschentadas tar la revisiun parziala dalla constituziun. Las posiziuns pon neir inoltradas anfignen igls 20 da december 2022 cun ageid digl questiunari online tgi è activo sen la pagina iniziala dalla pagina d’internet digl cumegn. Ultra da chegl vign igl questiunari er publitgia sen “Crossiety” (plazza da vischnanca digitala Surses).

Las persungas tgi on betg la pussebladad da cumplettar igl questiunari da maniera electronica pon retrer en exemplar sen palpieri per telefon u e-mail tar l’administraziun communala (tel. 081 659 11 60 u info@surses.ch).

La suprastanza spera da survagneir bleras posiziuns pertutgont las propostas tar la revisiun parziala dalla constituziun communala. Angraztg fitg per la participaziun.

 

Tinizong, igls 26 d’otgover 2022                       La suprastanza communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.