Decisiuns dalla radunanza communala Surses digls 29 d'avost 2022

La radunanza communala Surses digls 29 d’avost 2022 ò

  • delibero cun 88 cunter 26 vouschs igl affar davart igl credit supplementar da CHF 1'100'000.00 per relisar igl project « Arena da sport La Nars » per mangs digl cumegn d’urna Surses cun la proposta per l’approvaziun. La proposta or digl ravogl dalla radunanza da dar anavos igl affar alla suprastanza cun l’incumbensa da reponderar igl project è neida negada cun 74 cunter 27 vouschs;
  • accepto cun 89 cunter 34 vouschs la proposta or digl ravogl dalla radunanza da dar anavos igl affar davart igl credit d’impegn da CHF 3’250’000.00 per la construcziun digl nov luvratori communal alla suprastanza communala cun l’incumbensa da reponderar igl li resp. d’elaborar en nov project dasper la deponia Davos Fallung a Savognin. Sen proposta or dalla radunanza è la votaziun neida fatga sot scrutini;
  • approvo cun 107 vouschs cunter 1 vousch igl credit d’object brut da CHF 700'000.00 per la construcziun da dus staziuns da trafo. Chellas èn necessarias per igl travagl dalla rezgia dalla Resurses SA a Tinizong;
  • decidia cun 112 vouschs cunter 1 vousch da vender l’anterioura tgesa communala a Marmorera per en prietsch da CHF 220’000.00 ad ena persunga privata, tgi vot biagier anturn igl bietg an tgesa d’abitar (abitaziun primara);
  • approvo cun 110 cunter 3 vouschs igl credit da CHF 250'000.00 per cumprar la hetta digl ewz sen igl Pass digl Sett (parcella nr. 11188, Tgesa da Sett, Bivio).
  • piglia cunaschientscha da diversas infurmaziuns.

Igl protocol dalla radunanza communala digls 29 d’avost 2022 ò da neir publitgia igl pi tard en meis siva la radunanza cun en termin d’exposiziun da 30 deis. Igl termin d’exposiziun exact vign communitgia a taimp util aint igls figls uffizials digl cumegn.

 

Tinizong, igls 30 d’avost 2022                                   Suprastanza communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.