Invitaziun a seira d’infurmaziun

La suprastanza communala ò elaboro igl sboz dalla lescha d’alps, pastgiras e prada tgi vala pigl cumegn da Surses. Per preschentar chel sboz vign orgnisada ena seira d’infurmaziun:

  • Data:      mesemda, igls 14-09-2022
  • Ouras:    20.00
  • Li:            Sala Grava, Savognin

Siva l’occurrenza d’infurmaziun vign concedia en termin da consultaziun da 30 deis anfignen mez otgover. Durant chels 30 deis ins pò inoltrar posiziuns an scretg alla suprastanza communala. Siva igl termin da consultaziun vign igl sboz eventualmaintg repasso anc eneda ed alloura sottamess alla radunanza communala per l’approvaziun.

Igl sboz dalla lescha è activo sen www.surses.ch (rubrica: Actualitads & medias / Novitads > tetel: invitaziun). Sen giaveisch ins pò retrer u ampustar igl sboz sen palpieri tar igls sarvetschs d’abitants dall’administraziun communala a Tinizong (telefon: 081 659 11 60 u e-mail: info@surses.ch).

Nous speragn sen ena numerousa participaziun ed ena discussiun constructiva.

 

Tinizong, igls 30 d'avost 2022                          Administraziun communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.