Votaziun all’urna digls 15 da matg 2022

Projects federals

  • Midada digl 1. d'otgover 2021 dalla Lescha federala davart la producziun e la cultura da films (Lescha da films, LFi) (Figl uffizial federal 2021 2326);
  • Midada digl 1. d'otgover 2021 dalla Lescha federala davart la transplantaziun d'organs, da tesseidas e da cellas (Lescha da transplantaziun) (Figl uffizial federal 2021 2328);
  • Conclus federal digl 1. d'otgover 2021 davart l'approvaziun e la realisaziun digl barat da notas tranter la Svizra e la UE concernent la surpigleida dall'Ordinaziun (UE) 2019/1896 davart la Guardia europeica da cunfegn e da costa e davart l'aboliziun dallas Ordinaziuns (UE) nr. 1052/2013 ed (UE) 2016/1624 (svilup digl acquist da Schengen) (Figl uffizial federal 2021 2333).

Sen plang cantunal n'èn previas nagins projects da votaziun per igls 15 da matg 2022.

 

Elecziuns dalla Regenza e digl Cunsegl grond igls 15 da matg 2022

Las elecziuns da renovaziun dalla Regenza on li dumengia, igls 15 da matg 2022, per la perioda d'uffezi digl 1. da schaner 2023 anfignen igls 31 da december 2026. Igl madem de on li er las elecziuns digl Cunsegl grond per la perioda d'uffezi digl amprem de dalla sessiun d'avost 2022 anfignen agl scumanzamaint dalla sessiun d’avost 2026.

L’urna è exponeida suandontamaintg:

Tga communala, Veia Cantunala 57, Tinizong

  • digls 9 anfignen igls 13 da matg, mintgamai dallas 09.30 anfignen las 12.00 e dallas 14.00 anfignen las 17.30
  • la dumengia, igls 15 da matg dallas 10.00 anfignen las 10.30

Tar votaziuns ed elecziuns federalas e cantunalas on igl dretg da votar tot las persungas svizras domicilieidas aint igl cantun Grischun, tgi on cumplania igl 18avel onn igl de dalla votaziun/elecziun ed èn betg sclosas digl dretg activ da vaschign.

Igl material da votar è nia repartia a taimp a tot las persungas cun dretg da votar. Persungas cun dretg da votar, tgi on betg survagnia la documentaziun, duessan s’annunztgier tar igls sarvetschs d’abitants digl cumegn da Surses (081 659 11 60 u info@surses.ch).

 

Tinizong, igls 26 d’avregl 2022                                           

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.