Invitaziun alla «oura da consultaziun per la populaziun da Tinizong e Rona»
Per migliurar l’infurmaziun ed igl dialog cun la populaziun ò la suprastanza communala decidia d’organisar scuntradas periodicas cun la populaziun dallas singulas vischnancas.
La suprastanza communala anveida ossa la populaziun da Tinizong e Rona ad en barat d’infurmaziun, glindesde, igls 17 da schaner 2022, allas 20.00, ainten l’ustareia La Scuntrada a Tinizong.
La fegnameira dalla «oura da consultaziun per la populaziun» è da sa scuntrar e d’infurmar la populaziun davart projects specifics tgi pertotgan la sia vischnanca e per piglier ancunter giaveischs e propostas.
En’invitaziun correspondenta vign tarmessa ainfer taimp util a tot igls casals dallas dus vischnancas.
La suprastanza communala sa legra sen ena numerousa participaziun ed en barat interssant.
Tinizong, igls 28 da december 2021 Suprastanza communala Surses