Appel da metter a disposiziun alloschis per igl persunal: «Datgesa» tschartgea

L’avertura digl hotel JUFA e la reavertura digl Berghuus Radons scu er la proxima reavertura digl hotel Piz Mitgel e hotel Danilo è en fatg fitg plaschevel. Igl madem mument ans metta chegl avant novas sfeidas. An consequenza dallas plazzas da lavour stgaffeidas da nov sa resulta en manco acut d’alloschis per igl persunal.

Igl cumegn da Surses ansemen cun la Turissem Savognin Bivio Albula SA, l’Uniun da mastirants e commers Surses e l’Uniun Anavant Surses dumondan tant igls indigens scu er igls possessours d’abitaziuns secundaras per sustign. Vez Vous eventualmaintg abitaziuns u tgombras libras e vessas interess da dar a tschains talas per ena staschung u er da maniera stabla? Schi ea, Az supplitgainsa da s’annunztgier sen la pagina web www.valsurses.ch/personalunterkunft.

Nous dagn anavant las adressas digls alloschis disponibels agls purtaders da prestaziun ed agls fittadigns potenzials. Angraztg fitg per igl Voss ageid e sustign.


Tinizong, igls 01-12-2021                                          Suprastanza communala Surses

 

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.