Retschertga davart la realisaziun d’en “pumptrack” a Savognin

La suprastanza communala prevei da realisar a Savognin en schinumno “pumptrack” (pista circulara per velos da muntogna cun ondas ed oters elemaints). Siva en’evaluaziun interna ansemen cun ena firma spezialisada vignan an dumonda igls lis a La Nars u igl conturn digl Lai Barnagn.

Avant da cuntinuar cun la planisaziun vot la suprastanza canoscher l’opiniun dalla populaziun davart igl li tgi duess neir favoriso. Per tal scopo vign fatg ena retschertga sur la “plazza da vischnanca digitala” (Crossiety). La participaziun è pussebla angal sur chella plattafurma. Persungas tgi vottan sa participar, on pero betg anc installo l’app da Crossiety sen igl telefognin u tablet u tgi son betg scu far l’installaziun, pon s’annunztgier tar suprastant Adrian Ballat  (078 779 06 57). El vign a gidar tar l’installaziun.

La retschertga scumainza igls 16 d’otgover e cozza anfignen igls 8 da november 2020. Infurmaziuns detagledas davart igl project èn da cattar sen www.savognin.ch/pumptrack.

Nous supplitgagn la populaziun da sa participar a chella retschertga online.

Tinizong, igls 13-10-2020

Suprastanza communala Surses

  Mussar tot las novitads