Novas taxas per rusment da tgesa a parteir digl 1. da schaner 2019

Alla basa dalla nova lescha per l’economia da rusment digl cumegn da Surses vignan a parteir digl 1. da schaner 2019 vandias angal ple igls satgs uffizials da rusment, e nignas marcas ple.

Las marcas da taxas digls anteriours cumegns vignan vandeidas angal ple anfignen igls 31 da december 2018. Agl senn d’ena regulaziun transitorica pon marcas da rusment gio vandeidas neir duvradas anc anfignen igls 30 da zarcladour 2019.

Las taxas digls satgs da rusment da tgesa montan:

  • satgs da  17 liters: 1.30 fr.
  • satgs da  35 liters: 2.40 fr.
  • satgs da  60 liters: 4.60 fr.
  • satgs da 110 liters: 7.20 fr.

Lis da compra:

Volg a Beiva; Nossa Buteia a Sur; canzleia communala a Tinizong; Volg Son Mitgel e Grava a Savognin; Spar a Savognin; Hobby Kiosk a Savognin; Volg a Riom; Prima a Salouf.

Per dumondas stattan a disposiziun igls collaboratours digl uffezi da biagier.

  Mussar tot las novitads