Decisiuns dalla radunanza communala digl cumegn da Surses digls 25 d'avregl 2022

La radunanza communala Surses digls 25 d’avregl 2022 ò

• decidia cun 127 vouschs e sainza cuntervousch da surpiglier la societad da mantignamaint Salouf cun vigour regressiva sen igls 31 da december 2021 e d’annullar igl madem mument igls statuts dalla societad cun tot las disposiziuns tgi sa basan sen chels. Igl Uffezi d’agricultura e geoinfurmaziun digl Grischun ò er d’acceptar la surpigleida;
• decidia cun 125 vouschs e sainza cuntervousch d’annullar la lescha digl anteriour cumegn da Riom-Parsonz davart igl mantignamaint dallas ovras da migliuraziun e da tot las disposiziuns tgi sa basan sen chella lescha cun vigour regressiva sen igls 31 da december 2021;
• decidia cun 129 vouschs e sainza cuntervousch da conceder a Pirmin Cotti igl dretg da biagier per ena surfatscha da 3'527 m2 dalla parcella da cumegn nr. 9958 (parcella da dretg da biagier nr. 9959), Tgapeter, a Mulegns;
• decidia cun 123 vouschs cunter 2 vouschs d’approvar igl credit supplementar brut da CHF 450'000.00 per la compra da ramplazzamaint d’en auto-stgela d’occasiun per igls pumpiers da Surses;
• decidia cun 117 vouschs cunter 4 vouschs da conceder alla cjo SA ena contribuziun da promoziun unica à fonds perdu da max. CHF 240'000.00 per sanar igl hotel Danilo a Savognin;
• decidia cun 82 vouschs cunter 37 vouschs da conceder alla Nova Fundaziun Origen ena contribuziun da promoziun unica à fonds perdu da max. CHF 263'000.00 per sanar igl Post Hotel Löwe a Mulegns.
• piglia cunaschientscha dallas infurmaziuns davart igl stadi da realisaziun dallas maseiras fixadas aint igl maletg directiv Surses 2030;
• piglia cunaschientscha da diversas infurmaziuns.

Igl protocol dalla radunanza communala digls 25 d’avregl 2022 ò da neir publitgia igl pi tard en meis siva la radunanza cun en termin d’exposiziun da 30 deis. Igl termin d’exposiziun exact vign communitgia a taimp util aint igls figls uffizials digl cumegn.

Tinizong, igls 25 d’avregl 2022                                  Suprastanza communala Surses