Ordinaziun da traffic - Parcadi Lecsch Savognin

Ordinaziun da traffic, aveis public

La suprastanza communala da Surses ò decidia a caschung dalla seduta digls 30 da mars 2017, e sa basond agl art. 7 alinea 1 e 2 dalla lescha cumplementara tar la lescha da traffic svizra da relascher la suandonta restricziun da traffic segl territori communal da Surses:

Parcar cunter taxa (sig. 4.20), oura da parcadi centrala

Obligaziun da paer taxa: Mintga de, glindesde anfignen dumengia, dallas 00.00 ouras anfignen las 24.00 ouras, CHF 5.00 per de, mintgamai digl 1. da fanadour anfignen igls 31 d'otgover e digl 1. da december anfignen igls 30 d‘avregl.

- Savognin- parcadi Lecsch, parcella nr. 3182, ca. 23 parcadis.

Chellas maseiras von an vigour siva dalla scadenza digl termin da protesta legala cun la montascha dalla signalisaziun.

Sa basond agl art. 49 ss. dalla lescha da gisteia administrativa (VGR;BR370.100) pò neir recurria cunter la disposiziun preschainta an scretg an terma da 30 deis siva dalla publicaziun tar la dertgira administrativa digl cantun Grischun. La protesta ò da neir inoltrada an dobel ed ò da cuntigneir la preteisa da dretg, igls fatgs ed ena motivaziun. Igls mussamaints da cumprova on da neir signias exactamaintg, schinavant tgi sa cattan an possess digl recurrent, ansemen cun la decisiun preschainta. Igl termin da recurs ò da neir sottascretg digl recurrent u digl sies represchentant.


Tinizong, igls 3 da fanadour 2017    La suprastanza communala

  Mussar tot las novitads