Reactivaziun dalla regiun alluvieida Alp Curtegns a Radons
Las lavours da construcziun projectadas caschungan parzialmaintg bloccadas da veias da carar, da sendas da viandar e da sendas da velos.
La carta survart dat ena survista digls impedimaints, dallas bloccadas e digls sviamaints actuals.
La carta vign adattada cuntinuadamaintg agls fatgs actuals. Pinavant ègl planiso d'adattar las rutas suandontas:
Descripziun digl project
Igl perimeter da project cumpeglia radond 2'000 m lunghezza digl canal dall'Ava da Nandro ainten la zona alluvieida Alp Curtegns, ena regiun alluvieida d'impurtanza naziunala.
Ainten la zona alluvieida ed aint igls vallungs laterals ègl nia intervignia adegna puspe cun maschinas igls davos onns siva d'evenimaints da precipitaziuns. Material da grava è nia allontano u tgi èn nia fatgs rampars. Per tg'igls process naturals d'accumulaziun e d'erosiun saptgan puspe aveir li per gronda part sainza intervenziuns digl carstgang, duess neir messa a disposiziun la grondezza uriunda dalla zona alluvieida all'Ava da Nandro. Per chel scopo èn preveidas differentas maseiras, tg'èn neidas elaboradas dalla corporaziun d'alp e digl cumegn.
- spazzada digls rampars e dallas veias aint igl perimeter dalla zona alluvieida
- spazzada dalla punt tgi stuess neir sanada e construcziun d'ena nova punt per pedunzs tgi è circa quatter gedas schi largia
- dislocaziun dalla veia d'access alla punt agl our dalla zona alluvieida e reactivaziun digl Ual da Mottign
- liquidaziun dalla plazza da carger biestga ainten la zona alluvieida e dislocaziun ad en nov li incl. reconstrucziun digls access
- reconstrucziun dalla veia d'access all'Alp Curtegns dalla vart dretga dalla riva
- access d'anviern a Radons
- spazzada digl rampar per lung digl Ual Alp Curtegns e construcziun nova d'en rampar da deviaziun per igl schurmetg digls bietgs d'alp