Dismessa da Rusment

Rusment ordinari

  • La dismessa digl rusment ordinari succeda per  antant ainten mintga vischnanca  scu anfignen adacò; vot deir tgi las plazzas da rimnada ancunaschaintas vignan manadas anvant.  
  • An tot igls lis da rimnada uffizials digl cumegn pò neir dismess rusment ordinari digl tigneirtgesa, vèder, PET e beschlas d’aluminium. Tottas otras schorts da rusment òn da neir dismessas ainten las deponias.
  • La dismessa da rusment costa. Igls satgs da rusment uffizials resp. las marcas da patitsch e da marcanzeia massitscha pon neir retratgas tigls madems lis da vendita scu anfignen ossa scu er tar la canzleia communala a Tinizong.

Deponias da rusment

Davos  Fallung,  Savognin

Ouras  d’avertura: mesemda  e  sonda,  mintgamai  13.30  -  17.00, pinavant venderde 16.00 - 19.00.
La suandonta roba vign pigleida ancunter sainza costs :

Cumpost, rusment verd, tgaglias, etc., metal, alu, vèder, PET, ieli da motors e da tigneirtgesa, toner da stampaders, palpieri e cartung (separo), rufids electronics, frestgeras, schalanteras, battareias digl tigneirtgesa, capslas da Nespresso

La suandonta roba vign pigleida ancunter cunter paiamaint:

Battareias d’auto, pneus (fr. 10.00/toc)
Autos vigls per fr. 160.00 - fr. 180.00
Marcanzeia massitscha (fr. 0.50/kg)

Beiva (luvratori communal)

Ouras d’avertura: gievgia, mintgamai 15.00 - 17.00.
Dismessa scu a Davos Fallung, cun excepziun dalla marcanzeia massitscha.

La Gneida, Salouf

Ouras d’avertura: venderde, mintgamai 17.00 - 19.00.
Angal cumpost, tgaglias, rusment verd, etc. La dismessa è gratuita.


Prescripziuns spezialas:

  • Palpieri vigl e cartung: ainten las deponias Davos Fallung e Beiva (gratuit) u cun igl sarvetsch da rimnada dalla posta (ancunter paiamaint). Igl sarvetsch da rimnada dalla posta na vign igl mument betg purschia ainten la vischnanca da Savognin.
  • Vistgadeira viglia e calzers (separo): aint igls recipients per rimnada da vistgadeira spezials, tgi èn plazzos ainten las singulas vischnancas.
  • Medicamaints: returnar tigl post da vendita.
  • Marcanzeia massitscha:  massas  pi  grondas  da  marcanzeia  massitscha  èn  da  dismetter  sur las interpresas privatas da benas.
  • Materias  inertas  e  rusment  da  biagier: dismessa  ainten  la  deponia  « Artgaz »  a  Salouf. Preannunztga  tar  Linard  Sonder,  possessour  dalla  «deponia  e  tgava  Artgaz  GmbH»  (tel.  078 600 21 12). Infos cattez sot www.deponia.ch.
  • Chemicalias,  colorants: eneda  ad  onn  antras  l’Associaziun  per  dismessa  digl  rusment  digl Grischun Central AVM, Tgazzas (tel. 081 630 09 20). Igl termin vign publitgia aint igl figl uffizial digl cumegn da Surses.

Scumando è:

  • Da deponer, sutarar ed arder rusment da tottas schorts sen areals publics e privats.
  • Da dismetter rusment tgi è nia caschuno ordvart igl territori digl cumegn da Surses.
  • Da  dismetter  rusment  an  oters  satgs  tgi  chels  satgs  da  rusment  uffizials  da  Savognin respectivamaintg satgs sainza marcas da patitsch.

Downloads

Tscharne ena categoria

Sorteir